Қазақстанның бірқатар өңірінде дауылды ескерту жарияланды
Қазақстанның бірқатар өңірінде 24 қыркүйекке дауылды ескерту жарияланды. Кей аймақтарда шаңды дауыл, найзағай, тұман және қатты жел күтіледі. Сонымен қатар көптеген облыста өрт қаупі жоғары деңгейде сақталады, деп хабарлайды ZontNews.kz. «Қазгидромет» РМК-ның баспасөз қызметіне сілтеме жасап.
Атырау облысының батысы мен оңтүстігінде күндіз шаңды дауыл соғып, желдің екпіні секундына 15-18 метрге жетеді. Атырау қаласында да шаңды дауыл мен төтенше өрт қаупі күтіледі.
Жетісу облысының шығысында солтүстік-шығыстан жел соғып, оның екпіні 15-20 м/с болады.
Алматы облысының тау бөктері мен таулы аудандарында жаңбыр жауып, найзағай ойнайды. Алматы мен Қонаевта төтенше өрт қаупі сақталады. Алматының Медеу және Бостандық аудандарының таулы аймақтарында күндіз жаңбыр жауып, найзағай ойнауы мүмкін.
Астанада жоғары өрт қаупі сақталады.
Шығыс Қазақстан облысының солтүстігі, шығысы мен оңтүстігінде жаңбыр жауып, найзағай ойнайды. Түнде және таңертең солтүстікте тұман түседі. Семейде жоғары өрт қаупі күтіледі.
Қостанай облысының батысы мен солтүстігінде түнде және таңертең тұман түседі. Күндіз солтүстік пен шығыста жаңбыр жауып, найзағай ойнайды. Желдің екпіні 15-20 м/с-қа дейін жетеді.
Абай облысының оңтүстігінде түнде жаңбыр жауып, найзағай ойнайды. Солтүстігінде түнде және таңертең тұман түседі.
Қарағанды облысында түнде және таңертең жаңбыр, найзағай және тұман күтіледі. Солтүстік-шығыстан соғатын желдің екпіні 15-20 м/с болады. Қарағандыда төтенше өрт қаупі сақталады.
Ұлытау облысында солтүстік-шығыстан жел соғып, екпіні 15-20 м/с-қа жетеді. Өңірде төтенше өрт қаупі бар. Жезқазғанда да осындай қауіп күтіледі.
Маңғыстау облысының солтүстігі мен орталығында шаңды дауыл соғып, желдің екпіні 15-20 м/с болады. Ақтауда жоғары өрт қаупі сақталады.
Түркістан облысының таулы аудандарында жаңбыр жауып, найзағай ойнайды. Солтүстігінде шаңды дауыл болуы мүмкін. Желдің екпіні 15-20 м/с-қа дейін жетеді. Шымкент пен Түркістанда төтенше өрт қаупі күтіледі.
Батыс Қазақстан облысында оңтүстік-шығыстан соғатын желдің екпіні 15-20 м/с болады.
Жамбыл облысының таулы аудандарында жаңбыр жауып, найзағай ойнайды. Солтүстік-шығыстан жел соғып, екпіні 15-20 м/с-қа жетеді. Таразда төтенше өрт қаупі сақталады.
Павлодар облысының батысы мен орталығында түнде және таңертең тұман түседі. Өңірде жоғары өрт қаупі бар.
Ақтөбе облысының оңтүстігі мен шығысында желдің екпіні 15-18 м/с болады. Облыстың шығысында жоғары, қалған аумағында төтенше өрт қаупі сақталады.
Солтүстік Қазақстан облысында жаңбыр жауып, найзағай ойнайды. Түнде және таңертең тұман түседі. Желдің екпіні 15-20 м/с-қа дейін жетеді. Петропавлда да жаңбыр, найзағай, тұман және қатты жел күтіледі.
Қызылорда облысының солтүстігі, шығысы мен орталығында күндіз шаңды дауыл соғады. Солтүстік-шығыстан соғатын желдің екпіні 15-20 м/с болады. Қызылордада да шаңды дауыл мен төтенше өрт қаупі күтіледі.
Ақмола облысының батысы мен солтүстігінде түнде және таңертең тұман түсіп, күндіз жаңбыр жауып, найзағай ойнайды. Көкшетауда төтенше өрт қаупі сақталады.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз