Исламтанушы: Қазақстанда арандатушы уағызшылар көбейіп барады
Қазақстанда дін атынан сөйлейтін, бірақ ресми діни құрылымға қатысы жоқ адамдардың саны артып келеді. Бұл туралы исламтанушы Тимур Әлиев айтып, соңғы күндері қоғамда қызу талқыланған бірнеше резонансты оқиғаға қатысты пікір білдірді, деп хабарлайды ZontNews.kz. Orda.kz. редакциясына сілтеме жасап.
Оның айтуынша, әлеуметтік желілер мен кейбір ақпарат құралдары мұндай адамдарды «имам» немесе «уағызшы» ретінде көрсетіп, қоғамды шатастырып отыр. Сарапшы мұны хайп қуудың бір көрінісі деп бағалады.
Тимур Әлиев қоғамда талқыланған тұлғалардың бірі – Құрбанәлі Ахметовке де тоқталып, оны ресми дін өкілі ретінде қабылдауға болмайтынын айтты. Оның сөзінше, мұндай адамдардың пікірлері көбіне қате әрі дәстүрлі ислам ұстанымдарына қайшы келеді.
– Дін атынан сөйлейтін әр адамды имам деп қабылдау дұрыс емес. Мұндай жағдайлар қоғам үшін қауіпті болуы мүмкін, – деді исламтанушы.
Сарапшы Наурыз мерекесіне қатысты даулы мәлімдемелерге де назар аударды. Оның пікірінше, кейбір азаматтар халықтың тарихы мен мәдениетін жоққа шығарып, қоғамда негізсіз дау туғызады. Бұл – ұлттық құндылықтарға құрметсіздік.
Сонымен қатар, ол жақында салафиттік бағыттағы тағы бір уағызшының Қылмыстық кодекстің 174-бабы бойынша жауапкершілікке тартылғанын атап өтті. Исламтанушы мұндай әрекеттер қоғамда алауыздық туғызып, адамдарды шатастыратынын жеткізді.
Тимур Әлиев дін мәселесінде сауаттылықтың маңызына ерекше тоқталды. Оның айтуынша, діни сұрақтар туындағанда күмәнді тұлғаларға емес, ресми имамдарға жүгіну қажет.
– Сенімді ақпаратты тек ресми діни өкілдерден алған жөн. Бұл – қоғамдағы тұрақтылықтың кепілі, – деді ол.
Сарапшының пікірінше, мұндай жағдайлар тек діни ортада ғана емес, медиа кеңістікте де жиілеп барады. Сондықтан арандатушы және қате пікірлерге бейжай қарамай, дер кезінде тиісті шара қолдану маңызды.
Сарапшы сөзі
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз