ІІМ Kyzdar.net серверлік инфрақұрылымына қатысты ірі іс бойынша мәлімет берді
Ішкі істер министрлігі Kyzdar.net интернет-ресурсының қызметіне қатысты жүргізілген тергеу аясында серверлік инфрақұрылымды ұйымдастырушылар мен бенефициарларды ұстау бойынша мәлімет таратты, деп хабарлайды ZontNews.kz.
Ведомствоның мәліметінше, аталған платформада шамамен 9 мың анкета орналастырылған. Тергеу деректері бойынша, олардың бір бөлігі әртүрлі санаттағы пайдаланушыларға қатысты болған.
ІІМ өкілдерінің айтуынша, аталған ресурс тек ақпарат орналастыру алаңы ретінде ғана емес, сонымен қатар IT-шешімдерді әзірлеу және тестілеу үшін технологиялық платформа ретінде де пайдаланылған.
«Аталған сайт IT-компаниялардың бірінің негізгі жобаларының бірі болған және кейіннен түрлі заңды IT-өнімдерді әзірлеу кезінде қолданылған бағдарламалық шешімдерді тестілеу алаңы ретінде пайдаланылған», – делінген министрлік хабарламасында.
Тергеу материалдарына сәйкес, компанияның қаржылық айналымының бір бөлігі осы ресурстың қызметінен түскен заңсыз кірістер есебінен қалыптасқан. Ай сайынғы қаржы айналымы алдын ала есеп бойынша 500 миллион теңгеден асқан. Қаржылық операциялардың едәуір бөлігі қозғалысты бақылауды қиындату мақсатында криптовалюта арқылы жүргізілген.
Жедел-тергеу іс-шаралары барысында 144 миллион теңге көлеміндегі қолма-қол ақша, 1,3 миллион АҚШ долларынан астам қаражат, оның ішінде 300 мың доллардан астам криптовалюта тәркіленді. Сондай-ақ қару-жарақ пен оқ-дәрілер, шамамен 150 дана компьютерлік және өзге де техника, автокөліктер, құжаттар және қылмыстық іске қатысты басқа да айғақ заттар алынған.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз