Түркияда қарулы шабуыл: сегіз адам қаза тауып, күдікті ұсталды
Түркияның Афьонкарахисар провинциясында болған қарулы шабуыл салдарынан сегіз адам қаза тауып, тағы бір адам ауыр жараланды. Құқық қорғау органдары күдіктіні қолға алды, деп хабарлайды ZontNews.kz.
Қайғылы оқиға туралы провинция губернаторлығы X әлеуметтік желісіндегі ресми парақшасында мәлімдеді.
Ведомствоның хабарлауынша, шабуыл салдарынан сегіз азамат көз жұмып, бір адам ауыр жарақат алған. Қазіргі уақытта оқиғаға қатысты жан-жақты тергеу жүргізіліп жатыр.
Тергеу жұмыстары Афьонкарахисар провинциясы прокуратурасының үйлестіруімен жүзеге асырылуда. Тиісті мекемелер оқиғаның барлық мән-жайын анықтауға кіріскен.
Түркиялық журналист Экрем Ондер Чифтчи әлеуметтік желіде қарулы шабуыл жасаған адамның көліктен түсіп жатқан сәті бейнеленген кадрларды жариялады. Алдын ала мәлімет бойынша, күдікті бұл көлікті ұрлап кетуі мүмкін.
Сондай-ақ әлеуметтік желілерде күдіктінің ұсталған сәті түсірілген бейнежазбалар тарады.
Құқық қорғау органдарына жақын Polis Haberleri Gazetesi басылымының мәліметінше, Афьонкарахисар провинциясының Ихсание ауданында үш көліктен сегіз адамның мәйіті табылған. Осыдан кейін жандармерия бөлімшелері күшейтілген режимге көшіп, аймақта қауіпсіздік шаралары арттырылған.
Басылымның хабарлауынша, қаза тапқандар арасында үш мұғалім бар. Олардың екеуінің жеке басы анықталған.
Сондай-ақ шабуыл жасады деген күдікке ілінген 30 жастағы азаматтың да кім екені белгілі болған. Қазіргі уақытта тергеу жалғасып жатыр.
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз