Холандтың жаңа шаш үлгісі талқыланды
«Манчестер Сити» клубының шабуылшысы Эрлинг Холанд жаңа маусым алдында имиджін түбегейлі өзгертіп, ұзын шашын қысқа етіп қидырды. Футболшының жаңа бейнесі әлеуметтік желіде қызу талқыға түсті, деп хабарлайды ZontNews.kz. Euronews басылымына сілтеме жасап.
26 жастағы норвегиялық ойыншы 23 тамызда әлеуметтік желідегі парақшасында жаңа шаш үлгісін көрсеткен суретін жариялады. Бұл «Манчестер Ситидің» Премьер-лигадағы алғашқы ойыны қарсаңында болды.
«Жаңа маусым – жаңа шаш үлгісі», – деп жазды Холанд.
Жарияланым аз уақыт ішінде кеңінен тарап, жанкүйерлердің пікірі екіге бөлінді. Кейбір қолданушылар футболшының жаңа бейнесін қолдаса, енді бірі оның бұрынғы ұзын шашын сақтап қалғанын қалағанын жазды.
Холандтың имиджіндегі өзгеріске танымал футболшылар да назар аударды. Златан Ибрагимович әзілмен: «Не істеп қойдың? Бәс тігуден жеңіліп қалдың ба? Мені бұғаттап, нөмірімді өшір», – деп пікір қалдырды.
Желі қолданушыларының бірі Холандтың қысқа шашпен шыққанына таңданысын білдірсе, енді бірі «Викинг дәуірі аяқталды» деп жазды. Жанкүйерлер футболшының жаңа стилін кезінде Дэвид Бекхэмнің ұзын шашын қысқартып, бейнесін өзгерткен сәтімен де салыстырды.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз