Мессидің пенальтиі тарихқа антирекорд болып енді
Аргентина құрамасының капитаны Лионель Месси 2026 жылғы ФИФА футболдан әлем чемпионаты барысында ерекше антирекордтың авторы атанды, деп хабарлайды ZontNews.kz.
Opta статистика сервисінің мәліметінше, Мысыр құрамасына қарсы 1/8 финалдық матчтың бірінші таймында 39 жастағы шабуылшы пенальтиді мүлт жіберді. Кездесудің 21-минутында оның соққысын мысырлық қақпашы Мустафа Шобейр қайтарды.
Осылайша, Месси футбол тарихында матчтан кейінгі пенальтилер сериясын есептемегенде, бір әлем чемпионатында екі пенальтиді орындай алмаған алғашқы ойыншы болды. Бұған дейін ол топтық кезеңде Аустрия құрамасына қарсы кездесуде де 11 метрлік айып добын голға айналдыра алмаған еді. Соған қарамастан, сол ойында аргентиналық шабуылшы дубль авторы атанып, командасының 2:0 есебімен жеңуіне көмектесті.
Сондай-ақ Месси әлем чемпионаттары тарихында (матчтан кейінгі пенальтилер сериясын қоспағанда) сегіз пенальти орындаған алғашқы футболшы атанды. Алайда олардың төртеуін ғана голға айналдыра алды.
Айта кетейік, Қазақстан уақытымен 7 шілде күні сағат 22:00-де Аргентина мен Мысыр арасындағы матчтың бірінші таймы аяқталған сәтте африкалық құрама қорғаушы Ясер Ибрахим соққан голдың арқасында 1:0 есебімен алда келе жатқан болатын.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз