Көп әйел алуға тыйым бар, бірақ жаза жоқ – заңгер пікір білдірді
Қазақстанда жаңа Конституцияда неке мәселесіне қатысты нақты талаптар бекітілгенімен, оларды бұзғандарға жауапкершілік қарастырылмаған. Бұл туралы Мәди Мырзағараев мәлімдеді, деп хабарлайды ZontNews.kz. Ulysmedia.kz-ке сілтеме жасап.
Заңгердің айтуынша, Ата Заңда тек ер мен әйел арасындағы, мемлекет тарапынан ресми тіркелген неке ғана заңды деп көрсетілген. Яғни, діни рәсім арқылы қиылған немесе тіркелмеген одақтар, сондай-ақ көп әйел алу тәжірибесі құқықтық тұрғыда мойындалмайды.
Соған қарамастан, мұндай талаптарды бұзғандар үшін нақты жаза қарастырылмаған. Сарапшының сөзінше, бұл құқықтық жүйедегі қайшылықтардың бірі. Ол алдағы уақытта заңнамалық деңгейде қосымша нормалар енгізілуі мүмкін екенін айтты.
Сонымен қатар, қоғамда азаматтық неке мәселесі де қызу талқыланып жатыр. Мәжіліс депутаты Олжас Құспеков мұндай қатынастарды заңнамадан алып тастау қажет деген пікір білдірген. Оның айтуынша, барлық отбасы қатынастары ресми түрде тіркелуі тиіс.
Бұл тақырып соңғы уақытта қоғамда жиі көтеріліп келеді. Әсіресе әлеуметтік желілерде көп әйел алуды ашық насихаттау жағдайлары пікірталас туғызып отыр. Мәселен, продюсер Баян Алагөзова блогерлердің мұндай контентіне құқықтық баға беруді талап еткен.
Сондай-ақ журналист Жанар Байсеміз жүргізген сұхбаттан кейін де қоғамда қызу талқы болған. Ал депутат Ермұрат Бәпи дін саласындағы реттеуді күшейту қажеттігін көтерген.
Сарапшылардың пікірінше, Конституциядағы өзгерістер – алғашқы қадам ғана. Ендігі мәселе – осы нормаларды нақтылайтын заңдарды қабылдау.
Сарапшы сөзі
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз