Қазақстанда 3 қыркүйек – Қазақ тазысы мен төбеті күні болып белгіленді
Қазақстанда ұлттық ит тұқымдарына арналған жаңа мереке бекітілді. Үкіметтің 2026 жылғы 15 сәуірдегі №278 қаулысына сәйкес, енді жыл сайын 3 қыркүйекте Қазақ тазысы мен төбеті күні атап өтіледі, деп хабарлайды ZontNews.kz.
Жаңа мерекелік күн мерекелер тізбесіне енгізіліп, 2026 жылғы 28 сәуірден бастап ресми түрде күшіне енеді. Бұл бастама қазақ халқының дәстүрлі мәдениеті мен ұлттық мұрасын сақтау және дәріптеуге бағытталған.
Қазақ тазысы мен төбеті – елдің ежелгі асыл тұқымды иттері, ұлттық болмыстың бір бөлігі саналады. Соңғы жылдары қазақ тазысы халықаралық деңгейде де мойындала бастады: Қазақстан кинологтар одағы Халықаралық кинологиялық федерацияның (FCI) мүшелігіне қабылданып, тұқымды әлемдік деңгейде тану процесі басталған.
Бұған дейін қазақ тазысына қатысты халықаралық бастамалар да жүзеге асқан. 2024 жылы Қазақстан Президенті Қасым-Жомарт Тоқаев Франция президенті Эммануэль Макронға тазы күшіктерін сыйға тартқан болатын.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз