Баян Алагузова Мөлдір Әуелбековаға қатысты мәлімдеме жасады
KeshYOU тобының алдағы мерейтойлық концерті қарсаңында шоу-бизнес өкілдері арасында дау туындады. Бұрынғы топ мүшесі Мөлдір Әуелбекованің концертке қатыспайтынын мәлімдеуі продюсер Баян Алагузова тарапынан қатаң сынға ұшырады, деп хабарлайды ZontNews.kz. Qaz365.kz. сілтеме жасап.
2026 жылғы 20 сәуірде әнші әлеуметтік желідегі парақшасында 29 мамырға жоспарланған KeshYOU-дің мерейтойлық концертіне қатыспайтынын хабарлады. Оның айтуынша, бұл шешім шығармашылық жолындағы белгілі бір кезеңнің аяқталғанын білдіреді.
«Бұл кеш менсіз де жоғары деңгейде өтетініне сенімдімін. Осылайша, өмірімнің осы бір тарауын жабамын», – деп жазды ол.
Сондай-ақ әнші өзінің шығармашылық қызметінің 22 жылдығына арналған жеке концертін өткізетінін айтып, тыңдармандарын сол кешке шақырды.
Алайда бұл мәлімдеме топ продюсері Баян Алагузованың өткір реакциясын тудырды. Ол әлеуметтік желіде бұрынғы әріптесін сынға алып, ризашылық танытпағаны үшін айыптады. Продюсер алдағы уақытта бұл жағдайға қатысты қосымша мәліметтер жариялануы мүмкін екенін де меңзеді.
Айта кетейік, Мөлдір Әуелбекова KeshYOU тобының алғашқы құрамында болған. Ол ұжымда бірнеше рет үзіліспен өнер көрсетіп, кейін жеке шығармашылыққа бет бұрған.
Сала өкілдерінің айтуынша, топ пен бұрынғы қатысушылар арасындағы қарым-қатынас бұған дейін де түрлі пікірталастарға себеп болған. Алайда бұл жолғы жағдайдың қоғамдық сипат алуы ерекше назар аудартты.
Қазіргі таңда бір тарап бұл шешімді шығармашылық кезеңнің аяқталуы деп түсіндірсе, екінші тарап оны басқаша бағалап отыр.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз