1 шілдеден бастап не өзгереді?
1 шілдеден бастап Қазақстанда бірқатар маңызды өзгеріс күшіне енеді. Олардың қатарында жаңа Конституцияның қолданысқа енуі, мемлекеттік қызмет туралы жаңа заң, Құрылыс кодексі және бірқатар цифрлық жаңашылдықтар бар.
Негізгі өзгерістердің бірі – республикалық референдумда қабылданған жаңа Конституцияның күшіне енуі. Сонымен қатар Вице-президент институты, бір палаталы Құрылтай және Халық кеңесі секілді жаңа мемлекеттік институттар жұмысын бастайды.
Сондай-ақ 1 шілдеден бастап жаңа «Мемлекеттік қызмет туралы» заң қолданысқа енгізіледі. Құжатта мемлекеттік қызметтің ашықтығын арттыру, икемді жұмыс кестесін енгізу және әлеуметтік кепілдіктерді кеңейту қарастырылған.
Осы күннен бастап жаңа Құрылыс кодексі мен мемлекеттік қала құрылысы кадастрын жүргізудің жаңартылған қағидалары да күшіне енеді.
Шілде айында тағы бірнеше маңызды жаңалық іске асады. 4 шілдеден әскерге шақыру рәсімі цифрлық форматқа көшеді, 13–20 шілде аралығында білім гранттарына өтінім қабылданады, ал 19 шілдеден бастап банктер арасындағы бірыңғай QR төлем жүйесі кезең-кезеңімен іске қосылады.
Бұдан бөлек, 1 шілдеден Төтенше жағдайлар министрлігі еліміздің су айдындарындағы шағын көлемді кемелер мен олардың тұрақ базаларына қауіпсіздік талаптарының сақталуына бақылау жүргізе бастайды.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз