Алғыс айту күні – бірлік пен патриотизмнің негізі
Алғыс айту күні қарсаңында Алматыда Қазақстан халқы Ассамблеясының мүшелері қатысқан баспасөз конференциясы өтті. «Қазақстан ұйғырларының республикалық мәдени орталығы» ұйымын басқаратын Долқынтай Әлиев мерекенің қоғамдық келісімді, ұлтаралық бірлікті нығайтуға, сондай-ақ жастарды патриоттық рухта тәрбиелеуге ықпал ететінін атап өтті, деп хабарлайды ZontNews.kz.
Оның сөзінше, бұл күн тек дәстүрлі мереке емес, аға буыннан жас ұрпаққа рухани-адамгершілік құндылықтарды жеткізудің маңызды құралы. Іс-шаралар барысында жастарға заңға, еңбекке, отбасы мен мемлекетке құрметпен қарау негіздері түсіндіріледі.
«Өскелең ұрпақты тәрбиелеуде отбасының рөлі ерекше. Ата-аналар мен үлкендер жастарға үлгі болып, ұлттық дәстүрлерге, мәдениет пен тарихқа құрметпен қарауды үйретуі тиіс. Дәстүрді сақтап қана қоймай, оны заманға бейімдеу қажет. Сол кезде жастар ел өміріне белсене араласып, өз үлестерін қосуға үйренеді», – деді Долқынтай Әлиев.
Сонымен қатар, сарапшы қоғамдық және мәдени іс-шаралардың жастарда жауапкершілік сезімін, азаматтық ұстанымды және жасампаз еңбекке ұмтылысты қалыптастыратынын айтты.
«Бұл күн алғыс айтуды үйретеді. Ата-ананы, үлкенді, ұстаздар мен тәлімгерлерді қадірлеп, құрметтеу керек», – деп түйіндеді ол.
Сарапшы сөзі
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз