Министр электр энергиясы мен жанармай бағасының азық-түлік құнына әсерін түсіндірді
Сауда және интеграция министрі Арман Шаққалиев электр энергиясы мен жанармай бағасының өсуі азық-түлік құнына қалай әсер ететінін түсіндірді, деп хабарлайды ZontNews.kz.
Министрдің айтуынша, азық-түлік өнімдерінің бағасына ең алдымен шикізат құны мен өндірушілердің шығындары ықпал етеді. Мысалы, сүт өнімдерінің өзіндік құнының шамамен 80 пайызын шикізат шығындары құраса, нан-тоқаш өнімдерінде бұл көрсеткіш 65 пайызға жетеді. Ал сиыр етінің өзіндік құнында жем-шөп шығындарының үлесі 80 пайызға дейін барады.
Арман Шаққалиев электр энергиясының бағасы да өнім құнына әсер ететін факторлардың бірі екенін, алайда оның шешуші рөл атқармайтынын атап өтті. Оның сөзінше, негізгі ықпал шикізат бағасы, еңбек ақы және басқа да өндірістік шығындарға байланысты.
Сондай-ақ министр жанармай бағасының қымбаттауы азық-түлік бағасын нақты қанша пайызға өсіретінін алдын ала айту мүмкін емес екенін жеткізді. Оның айтуынша, өндірушілер өнімнің өзіндік құнын есептеген кезде нарықтағы бәсекелестік жағдайына қарай өз табыс мөлшерін белгілейді.
Министр қазіргі таңда мемлекет тарапынан бағаны тікелей реттеу жүргізілмейтінін айтты.
Еске салайық, бұған дейін премьер-министр Олжас Бектенов ірі көтерме сауда орындарында азық-түлік бағасының негізсіз қымбаттауына делдалдардың әсері бар екенін мәлімдеген болатын. Үкімет басшысы көкөніс, жеміс-жидек, ет және басқа да тауарлардың бағасын жасанды түрде көтеруі мүмкін ұйымдасқан топтардың әрекетін тексеруді тапсырған.
Сарапшы сөзі
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз