Дастан Сәтбаев «Челсидегі» алғашқы матчында гол соқты
Қазақстандық шабуылшы Дастан Сәтбаев Лондонның «Челси» клубының негізгі құрамындағы алғашқы ойынында гол соқты, деп хабарлайды ZontNews.kz.
17 жастағы футболшы Аустралияның «Вестерн Сидней Уондерерс» командасына қарсы жолдастық кездесудің 6-минутында есеп ашты.
Бұл – Сәтбаевтың «Челсидің» негізгі құрамындағы алғашқы матчы. Кездесу 28 шілдеде Сиднейдегі «Аккор» стадионында өтті.
Маусым алдындағы турне аясында қазақстандық шабуылшы 36-нөмірлі жейдемен алаңға шықты.
Еске салайық, Дастан Сәтбаевтың «Челсиге» ауысатыны өткен жылы белгілі болған. Ол 2026 жылдың маусымында алматылық «Қайраттан» Лондон клубына ресми түрде қосылды.
17 жастағы футболшы Қазақстан ұлттық құрамасы тарихындағы ресми матчтарда ең жас гол авторы саналады. Сондай-ақ ол Чемпиондар лигасы тарихындағы ең жас гол соққан футболшылардың алғашқы ондығына енген.
Transfermarkt мәліметінше, Дастан Сәтбаевтың трансферлік құны 3,5 миллион еуроны құрайды. Бұл – Қазақстан ұлттық құрамасы ойыншылары арасындағы ең жоғары көрсеткіш.
Қазіргі уақытта «Челси» Аустралия мен Азияда маусым алдындағы турнесін өткізіп жатыр. «Вестерн Сидней Уондерерсқа» қарсы кездесу осы турне аясындағы алғашқы жолдастық матч болды.
Trends
Тағы
Сізді де қызықтырады
Сұхбат
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз