Алматы – Өскемен тасжолындағы апат: Автобус жүргізушісі қаза тапты
Алматы мен Өскеменді байланыстыратын тасжолда жолаушылар автобусы мен жүк көлігі соқтығысып, салдарынан бір адам мерт болды, деп хабарлайды ZontNews.kz.
Абай облыстық полиция департаменті сейсенбі күні Yutong маркалы көлігі мен КамАЗ қатысқан жол апаты туралы мәлімет таратты.
Қайғылы оқиға салдарынан автобус жүргізушісі алған жарақаттарынан қайтыс болды. Көлікте болған тағы үш жолаушы медициналық көмекке жүгінгенімен, дәрігерлер оларды тексергеннен кейін үйлеріне жіберді.
«Аталған дерек бойынша оқиғаның мән-жайын жан-жақты әрі толық анықтау мақсатында сотқа дейінгі тергеу басталды» – деп хабарлады ведомствоның баспасөз қызметі.
Қазіргі уақытта қажетті сараптамалар тағайындалып, тергеу қорытындысы бойынша тиісті процестік шешім қабылданатын болады.
Тәртіп сақшылары жүргізушілерге жылдамдық режимін қатаң сақтауды және қарама-қарсы бағытқа шықпауды ескертеді. Сондай-ақ алыс жолға тек тынығып шығу қажеттігін алға тартады.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз