Алакөл ауданы әкімінің орынбасары 189 миллион теңге үшін сотталды
Жетісу облысында Алакөл ауданы әкімінің орынбасары лауазымдық өкілеттігін асыра пайдаланғаны үшін бес жылға бас бостандығынан айырылды. Сот шенеуніктің мемлекетке 189 миллион теңгеден астам шығын келтіргенін анықтады. Бұл туралы облыстық прокуратура өкілдері хабарлады, деп жазады ZontNews.kz.
Тергеу және сот материалдарына сәйкес Арқарлы ауылындағы электр желілерін салу және қайта жаңарту кезінде шенеунік іс жүзінде атқарылмаған жұмыстардың актілеріне қол қойған. Бұл әрекет бюджет қаражатының мердігер компанияға заңсыз аударылуына негіз болған.
«Мемлекеттік айыптаушы сотталушының Қылмыстық кодекстің 361-бабы, 4-бөлігі, 3-тармағында көрсетілген («Ауыр зардаптарға әкеп соқтырған лауазымдық өкілеттіктерді асыра пайдалану») қылмысты жасағанын толық дәлелдеді» – деп мәлімдеді Жетісу облыстық прокуратурасы.
Алакөл аудандық сотының үкімімен әкім орынбасары мүлкі тәркіленбей, бес жыл мерзімге бас бостандығынан айырылды. Сонымен қатар оған мемлекеттік қызметте, мемлекеттік ұйымдар мен квазимемлекеттік сектор субъектілерінде лауазымды қызмет атқаруға өмір бойына тыйым салынды.
Қазіргі уақытта сот үкімі заңды күшіне енген жоқ.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз