Әзілкеш Анар Бекет бала кезінде көрген қиянаты туралы мәлімдеме жасады
Қазақстандық әзілкеш Анар Бекет бала кезінде басынан өткен ауыр жағдай туралы ашық айтып, қоғам назарын балаларға қатысты зорлық-зомбылық мәселесіне аударды, деп хабарлайды ZontNews.kz.
Өнер иесінің айтуынша, ол бес жасында туған ағасы тарапынан сексуалдық сипаттағы зорлық-зомбылық құрбаны болған.
Павлодарда туып өскен Анар ата-анасы жұмыста болған уақытта жиі ата-әжесінің қамқорлығында қалған. Солай күндердің бірінде үйде ересектер болмаған сәтте сол кезде 17 жаста болған туысы оған қиянат жасаған.
«Мен ол кезде ештеңені түсінбейтін сәби едім. Ата-әжем шаруаларымен кеткенде, мені ағаммен қалдырған болатын» – деп мәлімдеді Анар Бекет.
Оқиғадан кейін қыздың денсаулығында физикалық ақаулар пайда болып, ата-анасы оны дәрігерге қаратқан. Алайда ол кезде бұл жағдайдың астарына ешкім үңілмеген. Өнер иесі сол кезеңде әлгі ағасының ақшасын ұрлап, сол үшін қатаң сөгіс алғанын да еске алды. Тек арада жылдар өткеннен кейін ғана ол мұның балалық кек алу әрекеті болғанын түсінген.
«Қазір барлық жағдайды сараптай келе, бұл маған жасалған қиянат үшін балалық кек болғанын ұғып отырмын. Біздің миымыз ауыр естеліктерді бұғаттап тастауға қабілетті» – деді Анар Бекет.
Ұзақ уақыт бойы санасында жаңғырған түсініксіз естеліктердің мәнін Анар тек психологпен жұмыс істеп, анасымен сөйлескеннен кейін ғана түсінген. Әзілкеш бұл мәлімдемесі арқылы ата-аналарды балаларына барынша мұқият болуға және кез келген мазасыз белгілерге дер кезінде назар аударуға шақырды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз