Жетімдердің 10 млн теңгесін тартып алған қылмыстық топ ұсталды
Қарағанды облысында ұйымдасқан қылмысқа қарсы күрес басқармасының (ҰҚКБ) жедел уәкілдері арнайы операция барысында балалар үйі тәрбиеленушілерін бопсалаумен айналысқан топты ұстады, деп хабарлайды ZontNews.kz.
Қылмыскерлер жарты жыл бойы қорғаусыз қалған жасөспірімдердің әлеуметтік төлемдерін иемденіп келген.
Тергеу мәліметтеріне сәйкес қаскөйлер күш көрсету және алдау арқылы жетім балаларды банк шоттарындағы қаражатты шешуге және микроқаржы ұйымдарынан несие рәсімдеуге мәжбүрлеген. Қылмыстық іс-әрекеттердің нәтижесінде келтірілген жалпы шығын көлемі 10 миллион теңгеден асты.
«Соңғы жарты жылда қаскөйлер жасөспірімдерді қорқытып-үркіту және күш көрсету арқылы олардың арнайы шоттарына түсетін әлеуметтік төлемдерді шешуге, сондай-ақ микроқаржы ұйымдарынан қарыз алуға мәжбүрлеген» – деп хабарлады Ішкі істер министрлігі.
Тінту шаралары кезінде күдіктілерден автоматты қарудың оқжатарлары мен 100-ден астам жауынгерлік оқ-дәрі тәркіленді. Қазіргі уақытта топтың барлық мүшелері ұсталып, уақытша ұстау изоляторына қамалды.
Полиция бопсалау дерегі бойынша сотқа дейінгі тергеп-тексеру амалдарын бастады. Қолданыстағы заңнамаға сәйкес күдіктілер 10 жылға дейін бас бостандығынан айырылуы мүмкін. Құқық қорғау органдары аталған қылмыстық топтың өзге де заңсыз әрекеттерге қатыстылығын және басқа да зардап шеккендердің бар-жоғын тексеріп жатыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз