Жантүршігерлік жол апатын ЖИ тіркеді
Астана – Қарағанды – Алматы тасжолында болған жол апаты жасанды интеллект камерасына түсіп қалды. Апат салдарынан бір адам көз жұмды, деп хабарлайды ZontNews.kz. «ҚазАвтоЖолға» сілтеме жасап.
Оқиға республикалық маңызы бар тасжолдың 51-шақырымында болған. Бейнежазбада Астана бағытында келе жатқан Mercedes жүргізушісінің басып озуға әрекеттеніп, сол бағытта қозғалған «Газельмен» соқтығысқаны көрінеді.
Соққыдан кейін «Газель» жүргізушісі көлікті басқара алмай, жолдан шығып кетіп, аударылған. Жол-көлік оқиғасының салдарынан бір адам қаза тапты.
Қазір апаттың нақты себептері мен мән-жайын құзырлы органдар анықтап жатыр.
«ҚазАвтоЖол» жүргізушілерді жылдамдық режимі мен жол қозғалысы ережелерін сақтауға, сондай-ақ басып озар алдында жолдағы жағдайды мұқият бағалауға шақырды.
Әзірге түсініктеме жоқ!
Пікір қалдыратын бірінші адам болыңыз