Түркістан облысында прокурор мүгедек әкесіне қорлық көрсеткен ер адам 6 жыл сұрады
Түркістан облысының Жетісай ауданаралық сотында мүгедек әкесін жүйелі түрде ұрып-соғып, жәбірледі деп айыпталған Алмас Садақбаевқа қатысты қылмыстық іс аяқталуға жақын, деп хабарлайды ZontNews.kz.
Мемлекеттік айыптаушы Шардара ауданы Қоссейіт ауылының тұрғынына жалпы алғанда алты жыл екі ай мерзімге бас бостандығынан айыру жазасын тағайындауды және 20 АЕК мөлшерінде айыппұл салуды сұрады.
Садақбаевқа «Қорлық көрсету» және «Денсаулыққа қасақана орташа ауырлықтағы зақым келтіру» баптары бойынша айып тағылған. Тергеу нұсқасы бойынша ол мүгедектігі бар қарт әкесіне ұзақ уақыт бойы күш көрсетіп келген. Сот отырысында айыпталушы тағылған айыптарды толықтай мойындады.
«Мен өз кінәмді толық мойындаймын және жұртшылықтан кешірім сұраймын. Асырауымда балаларым барын және отбасының жалғыз асыраушысы екенімді ескеріп, жазамды жеңілдетуді өтінемін» – деді Алмас Садақбаев сот залында.
Бұл қылмыстың беті әлеуметтік желілерде қарияның соққыға жығылғаны түсірілген бейнежазба тарағаннан кейін ашылды. Айта кетерлігі бұл жазба қарт кісі қайтыс болғаннан кейін ғана жарияланып, қоғамда үлкен резонанс тудырды. Оқиға 2025 жылдың тамыз айында болған.
Қазіргі уақытта сот тараптардың уәжін тыңдап болды. Сот үкімі таяу арада жарияланады деп күтілуде.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз