Әскерден жалтарғандарға жаңа шектеу шаралары қарастырылуда
Қазақстан Республикасы Қорғаныс министрлігі Қазақстан азаматтарын әскери қызметке шақыру жүйесіне өзгерістер енгізуді жоспарлап отыр. Жаңа бастамалар аясында әскерге барудан жалтарып жүрген азаматтарға қатысты уақытша шектеу шараларын қолдану мүмкіндігі қарастырылуда, деп хабарлайды ZontNews.kz.
Министрлік мәліметінше, қазіргі таңда шақыру қағаздарының бірыңғай тізімін енгізу мәселесі талқыланып жатыр. Бұл жүйе азаматтарды дер кезінде хабардар етуге, сондай-ақ шақыру науқанының ашықтығын арттыруға бағытталған.
Қорғаныс министрі Дәурен Қосановтың айтуынша, жаңа тетік хабарлау жүйесін сапалы жаңа деңгейге көтеруге мүмкіндік береді. Оның сөзінше, бұл азаматтардың конституциялық міндетін орындауын қамтамасыз ететін заманауи әрі технологиялық механизм болмақ.
Сондай-ақ, әскерге шақырудан жүйелі түрде жалтарып жүрген азаматтарға қатысты уақытша шектеулер енгізу де қарастырылуда. Бұл шаралар тек қолданыстағы заңнама аясында жүзеге асырылады және уақытша сипатта болады.
Бұдан бөлек, министрлік мерзімді әскери қызметтегі сарбаздардың ай сайынғы ақшалай қамтамасыз етілуін арттыруды және әлеуметтік кепілдіктер жүйесін жетілдіруді ұсынып отыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз