Шығыс Қазақстанда екі ведомство басшысы қамауға алынды
Шығыс Қазақстан облысында инфрақұрылым және білім беру салаларындағы ірі лауазымды тұлғаларға қатысты жемқорлық фактілері әшкереленді, деп хабарлайды ZontNews.kz.
Өңірлік жолаушылар көлігі және автомобиль жолдары басқармасының бастығы пара алды және қызметтік өкілеттігін асыра пайдаланды деген күдікпен тергелуде. Бұл туралы Ұлттық қауіпсіздік комитетінің баспасөз қызметі хабарлады.
Тергеу мәліметтеріне сүйенсек, аталған шенеунік жол құрылысы компаниялары мен автобус парктерінің өкілдерінен жалпы сомасы 134 миллион теңге көлемінде пара алған.
«Күдіктінің үйін тінту кезінде 121,9 миллион теңге және 97,7 мың АҚШ доллары тәркіленді» – деп мәлімдеді Ұлттық қауіпсіздік комитеті.
Сонымен қатар, құзырлы орган осы өңірдегі білім беру саласында сапаны қамтамасыз ету департаментінің басшысына қатысты да қылмыстық іс қозғады. Ол мұғалімдердің мемлекеттік аттестациядан кедергісіз өтуіне көмектескені үшін жүйелі түрде ақша алып отырған.
Соттың шешімімен екі лауазымды тұлға да қазіргі уақытта қамауға алынды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз