Президент бюджет жоспарлау мәселелері бойынша кеңес өткізді
Ақордада Президент Қасым-Жомарт Тоқаевтың төрағалығымен ұлттық экономиканы дамыту және бюджетті жоспарлау мәселелері жөнінде кеңес өтті, деп хабарлайды ZontNews.kz.
Мемлекет басшысына экономиканың қазіргі ахуалы, 2027-2029 жылдарға арналған әлеуметтік-экономикалық даму болжамдары және республикалық бюджет параметрлері таныстырылды.
Қасым-Жомарт Тоқаев биылғы экономикалық өсім көрсеткіштеріне қол жеткізу және республикалық әрі жергілікті бюджеттердің теңгерімділігін қамтамасыз ету қажеттігін атап өтті.
Президент 2027-2029 жылдардағы бюджеттің негізгі басымдықтарының бірі әлеуметтік және инфрақұрылымдық нысандардың құрылысын жеделдету болуы керектігін айтты. Атап айтқанда, ауруханалар, балаларды оңалту орталықтары, мәдениет және спорт нысандарын салуға басымдық беріледі.
Кеңеске Премьер-министр Олжас Бектенов, Ұлттық банк төрағасы Тимур Сүлейменов, Қаржы министрі Мәди Тәкиев және басқа да жауапты тұлғалар қатысты.
Әзірге түсініктеме жоқ!
Пікір қалдыратын бірінші адам болыңыз