Әкежан Қажыгелдин Қазақстанға жасырын келгенін айтты
Қазақстанның бұрынғы премьер-министрі Әкежан Қажыгелдин 2007 жылы әкесінің қазасына байланысты елге жасырын барғанын мәлімдеді, деп хабарлайды ZontNews.kz.
Азаттық радиосына берген сұхбатында ол Қырғызстан мен Ресейдің көмегімен Қазақстанға кіріп, әкесін соңғы сапарға шығарып, түнде қайта Еуропаға ұшып кеткенін айтты.
«Қырғызстан мен Ресей жағынан көмек алып, жасырын барып, өз қызметімді атқарып, түнде Ресей арқылы қайта Еуропаға ұшып кеттім», — деді Қажыгелдин.
Саясаткер кейін бірнеше рет бұрынғы ҰҚК төрағасы Нұртай Әбіқаймен сөйлескенін, елге кіру кезінде ешқандай бақылау болмағанын атап өтті.
Қажыгелдин Қазақстан президенті Қасым-Жомарт Тоқаевқа ресми өтініш жолдамағанын және Қазақстандағы сот шешімін мойындамағанын айтты. Ол бұл шешімді АҚШ, Ұлыбритания, Франция, Германия және Италия да мойындамағанын еске салды.
Саясаткер туған жерге деген сағынышын жасырмай, ана тілінде хат жазып, оқитынын, бірақ сөйлесуге әлі де жаттығу қажет екенін жеткізді.
«Алыста жүргенде ең бірінші өз тіліңді сағынасың», — деді ол.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз