Қазақстанда жыл басынан бері 30-дан астам қылмыстық топтың әрекеті тоқтатылды
Қазақстанда жыл басынан бері ұйымдасқан қылмысқа қарсы күрес аясында 30-дан астам қылмыстық топтың қызметі тоқтатылды, деп хабарлайды ZontNews.kz.
ІІМ мәліметінше, ұйымдасқан қылмыстық топтарды құру, оларға жетекшілік ету және қатысу, оның ішінде трансұлттық қылмыс бойынша 38 қылмыстық іс тіркелген. Сондай-ақ қылмыстық жолмен алынған мүлікті заңдастыру фактілері де тергеліп жатыр.
Ведомствоның ақпаратынша, түрлі қылмыстар жасағаны үшін қылмыстық ортаға қатысы бар 160-тан астам адам жауапкершілікке тартылған. Полицейлер кәсіпкерлерге, білім беру ұйымдарына және азаматтарға қатысты жасалған 270-тен астам бопсалау дерегін анықтады.
Бұдан бөлек, Қылмыстық-атқару жүйесі комитетімен бірлескен жұмыстар нәтижесінде түзеу мекемелерінде әкімшілік талаптарына бағынбау және қызметкерлерге қауіп төндіру фактілері бойынша 50-ден астам қылмыстық іс қозғалды.
ІІМ бастамасымен "заңдағы ұры" санатына жататын және шетелдік қылмыстық орта өкілдері саналатын 500-ге жуық адамның Қазақстанға кіруіне тыйым салынған.
Сондай-ақ "Адам саудасына қарсы іс-қимыл туралы" заң аясында 80-нен астам қылмыс анықталып, зардап шеккендерге әлеуметтік, құқықтық және психологиялық көмек көрсетілген.
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз