Қазақстанда демалыс күндері жаңбыр мен қар жауып, көктайғақ болады
7-9 қараша аралығында Қазақстан аумағына екі циклон келеді. Соның салдарынан елдің басым бөлігінде жаңбыр мен қар жауып, солтүстік-батыс пен солтүстікте көктайғақ болады. Ал оңтүстік өңірлерде күн жылынып, ауа температурасы +27 градусқа дейін көтеріледі, деп хабарлайды ZontNews.kz
«Қазгидромет» болжамына сәйкес, алдымен солтүстік циклон елдің солтүстігі арқылы өтеді. Ал 8 қарашадан бастап оңтүстік циклон Қазақстанның бүкіл аумағына әсер етеді.
Синоптиктердің мәліметінше, алдағы күндері республика бойынша жел күшейіп, түнде және таңертең тұман түседі.
8 қарашада елдің батысында қатты жаңбыр жауады деп болжанып отыр. Ал 9 қарашада солтүстік-батыс пен батыс өңірлерде де жауын-шашын күшейеді.
Оңтүстік аймақтарда ауа райы салыстырмалы түрде жылы болады. Кей жерлерде күндіз ауа температурасы +27 градусқа дейін жетуі мүмкін.
Әзірге түсініктеме жоқ!
Пікір қалдыратын бірінші адам болыңыз