Депутат Нұрсұлтан Назарбаевтың шетелге шығуын шектеу ұсынды
Мәжіліс депутаты Ермұрат Бәпи мемлекеттік құпияға қанық бұрынғы жоғары лауазымды тұлғалардың шетелге шығуын заңмен шектеу туралы бастама көтерді, деп хабарлайды ZontNews.kz.
Бұл тізімге Қазақстанның тұңғыш президенті Нұрсұлтан Назарбаев та енгізілді. Депутат бұл қадамды ұлттық қауіпсіздікті қамтамасыз ету қажеттілігімен байланыстырады.
Бастамаға Нұрсұлтан Назарбаевтың жуырда Кремльде Владимир Путинмен өткен кездесуі түрткі болды. Депутаттың пайымдауынша, мұндай бейресми сапарлар мемлекеттік мүддеге қатер төндіруі мүмкін. Бәпи экс-президенттер мен министрлер иеленген мемлекеттік құпиялар ел қауіпсіздігінің ажырамас факторы болып қала беретінін, сондықтан олардың қозғалысына құқықтық тосқауыл қою қажеттігін алға тартты. Ол халықаралық тәжірибеге, соның ішінде Қытайдағы осындай шектеу шараларына сілтеме жасады.
«Сондықтан елдің қауіпсіздігін қамтамасыз ету мақсатында мемлекеттік құпияны білетін тұлғаның шет елге шығу мүмкіндігін реттейтін заң қажет шығар» – деп жазды Ермұрат Бәпи.
Депутат Назарбаев пен Қайрат Қожамжаров сияқты тұлғаларға қатысты алдын ала шекаралық бақылау орнатуды немесе «қызыл жалауша» жүйесін енгізуді ұсынды. Оның пікірінше экс-президенттің Мәскеуге сапары мемлекеттік органдар мен қоғамға қысым көрсету әрекеті ретінде қабылдануы ықтимал. Кейінірек журналистердің сауалына жауап берген Бапи бұл жағдайдың ел үшін ешқандай саяси тиімділігі жоқ екенін мәлімдеді.
«Өз елінен, өз халқынан тірек таппаған адамға жаным ашиды. Енді ол ел сыртынан қолдау іздеуге мәжбүр. Бұл экс-президент үшін трагедия» – деп айтты депутат.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз