Білім саласында жаңа бастамалар: Тоқаевқа 2026 жылға арналған жоспарлар таныстырылды
Ақорданың баспасөз қызметінің хабарлауынша, Президент Қасым-Жомарт Тоқаевқа өткен жылдың қорытындылары мен 2026 жылға арналған білім саласындағы негізгі міндеттер таныстырылды, деп хабарлайды ZontNews.kz
Білім және ғылым министрі Жұлдыз Сүлейменова оқу бағдарламалары мен оқулықтарды жаңарту жұмыстары жүргізіліп жатқанын, жаңа Конституция құндылықтарын насихаттау мақсатында өзгерістер енгізіліп отырғанын айтты. "Таза Қазақстан" бастамасы аясында экологиялық білім беру стандарттары әзірленді, ал мектептерде "Адал азамат" тәрбие бағдарламасы енгізілуде.
Бастауыш білім беру мазмұны қайта қаралып, оқу, жазу және есептеу дағдыларына басымдық берілуде. "Келешек мектептері" жобасы аясында 460 мың оқушыға арналған 217 білім ошағы салынып, пайдалануға берілді.
Саланы цифрландыру бойынша да ауқымды шаралар жүзеге асырылды: мектептердің 99%-ы интернетке қосылды, "Әлеуметтік әмиян" жобасы 6760 мектепке енгізілді, дипломдар мен аттестаттар цифрлық форматқа көшірілді. "Ұстаз" платформасы педагогтерді аттестаттауды толық автоматтандыруға мүмкіндік беріп, 240 мың мұғалім жасанды интеллектіні пайдалану бойынша қайта даярлаудан өтті. Сонымен қатар 200 мың педагог ChatGPT Edu жобасы арқылы ЖИ-ассистентті меңгеруде.
Инфрақұрылымдық жұмыстар аясында 184 білім беру нысаны ашылды, үш ауысымды 80 мектеп пен апатты жағдайдағы 31 мектептің мәселесі шешілді. 209 білім ошағы күрделі жөндеуден өтті, 1192 пәндік кабинет заманауи құрал-жабдықтармен қамтамасыз етілді, балабақша кезегі шамамен екі есеге қысқарды.
Президент білім сапасын арттыру, мектептердегі орын тапшылығын азайту, жұмысшы мамандарды даярлау жүйесін дамыту, бюджетті тиімді пайдалану және саланы цифрландыру, оның ішінде Qazaq Digital Mektebi жобасын іске асыру бойынша нақты тапсырмалар берді. Сонымен қатар алдағы үш жылда "Келешек мектептері" жобасының озық тәжірибесін барлық білім ұйымдарына енгізу міндеттелді.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз