Бибісара Асаубаева блиц шахматтан үш дүркін әлем чемпионы атанды
Бибісара Асаубаева Катар астанасы Дохада өткен 2025 жылғы әлем чемпионатында блицтен жеңіске жетіп, тарихи жетістікке қол жеткізді, деп хабарлайды ZontNews.kz.
Ол финалда украиналық Анна Музычукті шешуші партияда ұтып, блиц шахматтан әлемнің үш дүркін чемпионы атанған Қазақстандағы алғашқы шахматшы болды.
Турнир барысында Асаубаева швейцариялық жүйе бойынша өткен 15 турдың қорытындысымен бірінші орын иеленіп, жартылай финалға сенімді түрде шықты. Жартылай финалда қытайлық Чжу Цзиньэрді 3:0 есебімен айқын басымдықпен жеңді. Финалдық кездесудің алғашқы үш партиясы тең аяқталғанымен, соңғы төртінші партияда қазақстандық спортшы қарсыласынан басым түсіп, алтын медальді иеленді.
Мемлекет басшысы Қасым-Жомарт Тоқаев шахматшыны жеңісімен құттықтап, оған II дәрежелі «Барыс» орденін табыстады. Президент бұл жеңістің отандық шахмат мектебі үшін маңызы зор екенін атап өтті.
«Бибісара Асаубаева әлемдік шахмат тарихында айтулы шебер және блицтен үш дүркін әлем чемпионы атанған Қазақстанның алғашқы өкілі ретінде қалды. Еліміздің барша шахмат қауымдастығы мемлекетіміздің туын жаһандық аренада биікке көтерген отандасымызды мақтан тұтады» – деп хабарлады Ақорда.
Бибісара Асаубаева бұған дейін блицтен 2021 және 2022 жылдардағы әлем чемпионаттарында жеңіске жеткен болатын. Бұл жолғы алтын медаль оның әлемдік шахматтағы доминанттық орнын тағы бір мәрте бекітті.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз