Қазақстанда фильмдерді прокатқа дейін тексеру ережесі енгізіледі
21 сәуірден бастап Қазақстанда фильмдерді прокатқа шығар алдында міндетті сараптамадан өткізу туралы жаңа ереже күшіне енеді. Тиісті бұйрыққа Мәдениет және ақпарат министрі Аида Балаева қол қойған, деп хабарлайды ZontNews.kz.
Жаңа талапқа сәйкес, барлық фильмді арнайы сараптамалық комиссия қарайды. Оның құрамына мемлекеттік орган өкілдері, заңгерлер, психологтар және кино саласының мамандары кіреді.
Комиссия фильм мазмұнында заңға қайшы немесе тыйым салынған ақпараттың бар-жоғын тексереді. Атап айтқанда, зорлық-зомбылықты насихаттау, араздықты қоздыру немесе ұлттық қауіпсіздікке қауіп төндіретін элементтерге баға беріледі. Сондай-ақ фильмнің жас санаты да осы кезеңде анықталады.
Сонымен қатар комиссия фильмнің көркемдік деңгейін, коммерциялық әлеуетін немесе саяси-идеологиялық бағытын бағаламайды.
Сараптама нәтижесінде фильм туралы толық қорытынды дайындалады. Онда туындының атауы, шыққан елі, құқық иесі, қысқаша сипаттамасы, сараптама нәтижелері мен ұсыныстар көрсетіледі.
Ережеге сәйкес, комиссия мүшелері фильм мазмұнын жария етпеуге және ресми шешім шыққанға дейін сараптама нәтижелерін таратпауға міндетті. Сондай-ақ мүдделер қақтығысы болған жағдайда сарапшылардың қарауға қатысуына тыйым салынады.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз