Қазақстанда дауылды ескерту жарияланды
Қазгидромет 23 сәуірге арналған ауа райы болжамын жариялап, елдің барлық өңірінде дауылды ескерту жарияланғанын хабарлады. Астана мен Шымкентте нөсер жаңбыр мен күшті жел күтіледі, деп хабарлайды ZontNews.kz.
Синоптиктердің мәліметінше, республика аумағында найзағайлы жаңбыр, бұршақ, тұман және екпінді жел болады. Көптеген өңірде жел жылдамдығы секундына 15–20 метрге дейін жетіп, кей жерлерде 25–28 м/с-қа дейін күшеюі мүмкін.
Солтүстік және орталық аймақтарда – Ақмола, Солтүстік Қазақстан, Қостанай және Павлодар облыстарында жаңбырмен бірге найзағай ойнап, бұршақ жаууы ықтимал. Кей жерлерде тұман түсіп, түнде үсік жүру қаупі бар.
Қарағанды және Ұлытау облыстарында да ауа райы құбылмалы болады: жаңбыр, найзағай және бұршақ күтіледі.
Шығыс Қазақстан мен Абай облыстарында жел күшейіп, кей аудандарда жоғары өрт қаупі сақталады.
Оңтүстік және оңтүстік-шығыс өңірлерде – Алматы, Жетісу, Жамбыл және Түркістан облыстарында нөсер жаңбыр, найзағай, бұршақ және дауыл болжанып отыр. Таулы аймақтарда тұман түсуі мүмкін.
Қызылорда облысында шаңды дауыл соғып, жаңбыр жауады. Ақтөбе және Батыс Қазақстан облыстарында жел күшейіп, кей жерлерде үсік болуы ықтимал.
Ал Маңғыстау мен Атырау облыстарында жаңбыр мен найзағай болжанып, жекелеген аумақтарда тұман түседі.
Мамандар тұрғындарға ауа райының күрт өзгеруіне байланысты сақтық шараларын ұстануды ескертеді.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз