Қазақстанда 200 мыңнан астам жеке кәсіпкер қызметін тоқтатты
Қазақстанда жеке кәсіпкерлікті жабу көрсеткіші айтарлықтай артты. 2026 жылдың алғашқы тоқсанында шамамен 208 мыңға жуық жеке кәсіпкер өз қызметін тоқтатқан. Ал өткен жылдың осы кезеңінде бұл көрсеткіш 83 мың шамасында болған, деп хабарлайды ZontNews.kz.
Бұл деректерді Серік Жұманғарин жария етті. Министрдің айтуынша, әдетте жыл басында 100 мыңға жуық кәсіпкер жұмысын тоқтататын болса, биыл бұл көрсеткіш екі есеге жуық өсіп отыр. Оның бағалауынша, жабылған кәсіптердің шамамен 100 мыңы соңғы енгізілген өзгерістермен байланысты.
Сонымен қатар, бастапқы болжам бойынша жабылатын кәсіпкерлер саны 300 мыңға дейін жетуі мүмкін болған.
Министрдің сөзінше, қызметін тоқтатқан кәсіпкерлердің басым бөлігі – табысы да, қызметкері де жоқ, іс жүзінде жұмыс істемеген субъектілер. Олардың бір бөлігі қызмет форматын өзгертіп, шамамен 39 мың адам өзін-өзі жұмыспен қамтығандар қатарына өткен.
Қалғандары басқа компаниялармен ынтымақтастық орнатып, табыс табудың жаңа жолдарын таңдаған. Қазіргі таңда мұндай азаматтардың көпшілігі такси және жеткізу қызметтері сияқты цифрлық платформалар арқылы жұмыс істеп жүр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз