Атыраудағы отбасы трагедиясы: Күдікті мен марқұмдардың қызына халықаралық іздеу жарияланды
Атырау облысының Жангелдин ауылындағы бір отбасының өлімі мен жоғалуына қатысты тергеу халықаралық деңгейге өтті. Құқық қорғау органдары мәйіттері табылған ерлі-зайыптының кіші қызы Ақбаян Мұқанғалиеваға және күдікті Сұлтан Сәрсемәлиевке ресми түрде халықаралық іздеу жариялады, деп хабарлайды ZontNews.kz.
Облыстық полиция департаменті бұл істің ерекше бақылауда екенін және іздеудегі тұлғаларды анықтау үшін халықаралық әріптестік тетіктері іске қосылғанын растады.
«Полиция қылмыс жасады деген күдікпен ер адамға және жоғалып кетті деген күдікпен әйел адамға, яғни Ақбаян Мұқанғалиеваға халықаралық іздеу жариялады» – деп мәлімдеді Атырау облыстық ПД баспасөз қызметі.
30 жастағы Ақбаян Мұқанғалиева бес баланың анасы. Туыстарының мәліметінше ол соңғы босанудан кейін денсаулық жағдайына байланысты Түркияда ем қабылдаған болуы мүмкін. Тергеу барысында оның Индер ауданындағы жанармай құю бекетіндегі бейнебақылау камерасына түсіп қалғаны белгілі болды.
Бұл резонансты оқиға екі ай бұрын басталған еді. Жұмбақ жағдайда жоғалып кеткен қариялардың денесі тек қаңтар айының басында табылып, 8 қаңтарда жерлеу рәсімі өтті. Қазіргі уақытта полиция Сәрсемәлиев пен Мұқанғалиеваның шетелге шығып кеткен-кетпегенін және олардың осы қылмысқа қатысты нақты рөлін анықтау үстінде.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз