Ақордадағы ауыс-түйіс: Айбек Смадияров Тоқаевтың баспасөз хатшысы болып тағайындалды
Мемлекет басшысы Қасым-Жомарт Тоқаевтың өкімімен Айбек Смадияров президенттің кеңесшісі әрі баспасөз хатшысы лауазымына ие болды, деп хабарлайды ZontNews.kz.
Ол бұл қызметте 2022 жылдан бері президенттің ақпараттық саясатын үйлестіріп келген Руслан Желдібайды ауыстырды. Желдібай президент жарлығымен қызметінен босатылды, оның алдағы жоспарлары туралы әзірге ресми мәлімет жоқ.
Айбек Смадияровтың кәсіби жолы негізінен дипломатиялық қызметпен байланысты. Ол Сыртқы істер министрлігінде он жылдан астам еңбек етіп, бірінші хатшыдан ведомствоның ресми өкілі және баспасөз қызметінің жетекшісі деңгейіне дейін көтерілді. Сонымен қатар Қазақстанның Венгрия мен Вьетнамдағы елшіліктерінде қызмет атқарып, халықаралық тәжірибе жинақтаған. Ақордаға келер алдында, 2025 жылдың желтоқсанынан бастап Президент әкімшілігінің Ішкі саясат бөлімін басқарды.
«Айбек Смадияров дипломатиялық қызметте үлкен тәжірибе жинақтаған маман. Ол қазақ, орыс, ағылшын және түрік тілдерін жетік меңгерген» – деп хабарлады Ақорданың баспасөз қызметі.
Қызметінен кеткен Руслан Желдібай Ақорда құрылымында төрт жылға жуық еңбек етті. Ол баспасөз хатшысы лауазымына дейін президент көмекшісі және Ақпарат комитеті төрағасының орынбасары қызметтерін атқарған. Желдібайдың кезінде Президент әкімшілігінің әлеуметтік желілердегі және интернет кеңістігіндегі жұмысы белсенді дамыды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз