“Алтын Орда” дауы: сот Нұрбол Назарбаевқа қатысты талапты қараусыз қалдырды
Алматыдағы “Алтын Орда” базарына байланысты дауда сот экс-иесі Айдарбек Хусайыновтың Нұрбол Назарбаевқа қарсы талабын қараусыз қалдырды, деп хабарлайды ZontNews.kz. Tengrinews.kz. редакциясына сілтеме жасап.
Даудың мәні – Хусайыновтың Назарбаевты “негізсіз байыды” деп айыптап, одан 15,1 млрд теңге өндіріп алу талабы болған. Сот процесі барысында жауапкердің мүлкі мен шоттарына талап сомасы шегінде уақытша тыйым да салынған. Алайда екі айға созылған тыңдаулардан кейін сот талап арызды қараусыз қалдыру туралы шешім шығарды.
Бұл жанжалдың түп-төркіні бірнеше жыл бұрынғы “Алтын Орда” базарының меншік құрылымына байланысты дауларға барып тіреледі. Кезінде базарға иелік еткен Kurylys LTD компаниясының үлесі түрлі қысымдар нәтижесінде өзгергені туралы мәліметтер сот материалдарында айтылған. Соның салдарынан бұрынғы үлес иелері өз құқықтарын қайтаруға тырысып келеді.
Хусайынов бұған дейін де шығынды өтеу және үлесін қайтару бойынша бірнеше талап арыз берген, алайда соттар оның талаптарын толық қанағаттандырмаған.
Сонымен қатар Нұрбол Назарбаевтың атына ірі қаржылық міндеттемелер тіркелген. Атқарушылық өндірістер бойынша оның жалпы қарызы 63,7 млрд теңгеге жуық, оның ішінде негізгі бөлігі мемлекет пайдасына аударылуы тиіс.
Айта кетейік, Нұрбол Назарбаев өзін банкрот деп тану бойынша бірнеше рет өтініш бергенімен, сот бұл бастамаларды қолдамаған. Қазіргі уақытта ол қарыздарын реттеу үшін тағы да әрекет жасап жатыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз