Алматыдағы ALT University-де студент оқытушыға пышақпен шабуыл жасады
18 жасар студент Алматыдағы ALT University-де оқытушыға пышақпен шабуыл жасады, деп хабарлайды ZontNews.kz.
Оқиға салдарынан педагог жеңіл жарақат алды, ал студент ұсталды. Ол жеті жылға дейін сотталуы мүмкін.
Оқиға университеттің дәретханасында орын алды. Студент 35 жастағы математика пәнінің оқытушысына пышақпен шабуыл жасап, мойын аймағына жарақат салды. Куәгер студенттің айтуынша, шабуыл бағаға қатысты келіспеушіліктен туындаған.
Университет басшылығы бұл ақпаратты растамайды. Ресми мәлімдемеде оқытушының жұмысын жалғастырып жатқаны және ауыр жарақат алмағаны айтылған.
«Оқытушы дәретханаға кірді. Содан кейін студент кіріп, еш сөз айтпай пышақпен қауіп төндірді. Бақытымызға орай, педагог аман. Студент қазір тергеу изоляторында», — деді ALT University аппаратының жетекшісі Жанибек Смадияров.
Әкімшілік оқиғаның толық мәліметін жарияламайды. Студент ақылы бөлімде оқып, сабаққа тұрақты қатысқан. Қазіргі уақытта оның тағдыры мен оқу орнынан шығарылуы туралы шешім қабылдануда, полиция қылмыстық іс бойынша тергеу жүргізіп жатыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз