Алматыда күшті әсер ететін дәрілердің заңсыз сатылуы анықталды
Алматыда рецептсіз күшті әсер ететін дәрілік заттарды заңсыз сату деректері тіркелді, деп хабарлайды ZontNews.kz.
Қалалық Полиция департаментінің мәліметінше, аталған препараттарды заңсыз сатып алған азаматтар да анықталған. Тексеру барысында заңсыз айналымнан ірі көлемдегі дәрі-дәрмек тәркіленді.
Полиция өкілдері мұндай препараттарды еркін сатуға тыйым салынғанын атап өтті. Олардың айтуынша, бұл тек заң бұзушылық емес, сонымен қатар қоғамдық қауіпсіздікке қауіп төндіреді.
Аталған деректер Алматыда өткен "Дәрмек" жедел-профилактикалық іс-шарасы барысында анықталған. Рейд кезінде дәріханалар тексеріліп, рецептсіз сатылған дәрілер мен заңсыз айналымға қатысы бар тұлғалар белгілі болды.
Сонымен қатар, қаладағы бірқатар дәріханаларда дәрі-дәрмек бағасының негізсіз қымбаттағаны анықталды. Қоғамдық кеңес комиссиясы шамамен 60 нысанды тексеріп, баға айырмашылығы кей жерлерде 200–300 теңгеге дейін жететінін мәлімдеді.
Мамандардың айтуынша, бағаның өзгеруі жаңа салық заңнамасының енгізілуімен байланысты. Ал өткен жылдан қалған дәрілер бұрынғы шекті бағамен сатылып жатыр.
Бұдан бөлек, Қазақстанда медициналық қызметтер мен дәрі-дәрмекке берілетін чектерге пациенттің ЖСН-ін енгізу ұсынылуда. Бұл шара қаржының ашықтығын арттырып, көлеңкелі экономиканы азайтуға бағытталған.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз