Алматыда автобустан құлаған жолаушы омыртқасын сындырды
Алматыда №104 бағыттағы автобустан шығып бара жатқан жолаушы құлап, омыртқасын сындырып алды, деп хабарлайды ZontNews.kz.
21 желтоқсанда болған бұл жағдай әлеуметтік желілерде жарияланып, қоғамдық көліктегі қауіпсіздік мәселесін қайта күн тәртібіне шығарды.
Зардап шеккен әйелдің жақындары оқиғаға жүргізушіні кінәлап отыр.
«Ол автобустан шығып үлгермеді, жүргізуші көлікті орнынан қозғап жіберді, соның салдарынан әйел құлап, омыртқасын сындырып алды» – деп хабарлады әлеуметтік желідегі жазба авторы.
Маршрутқа иелік ететін «Олжас ЛТД» автопаркі бұл жағдайға қатысты ресми түсініктеме берді. Компания өкілдері ішкі бейнебақылау камераларындағы жазбаға сүйеніп, жолаушының есік жабылып жатқан сәтте шығуға тырысқанын алға тартады. Тасымалдаушы тарап жүргізушінің жауапкершіліктен қашпағанын және зардап шегушіге алғашқы көмек көрсеткенін мәлімдеді.
«Жедел жәрдем кешіккендіктен жүргізуші зардап шеккен адамды өз көлігімен ауруханаға жеткізді, рентген ақысын төлеп, тексерулер үшін 50 мың теңге берді» – деп мәлімдеді автопарк басшылығы.
Алматы қалалық полиция департаменті аталған дерек бойынша тексеру амалдарын бастады. Тәртіп сақшылары оқиғаның мән жайын толық анықтап, жүргізуші мен жолаушының іс қимылына құқықтық баға беретін болады. Сонымен қатар автопарк зардап шегуші тарап ресми өтініш білдірген жағдайда шығындарды сақтандыру компаниясы арқылы өтеуге дайын екенін атап өтті.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз