Ақтастағы жанжал адам өлімімен аяқталды
Алматы облысы Талғар ауданының Ақтас ауылында екі ер адамның арасындағы жанжал кісі өлімімен аяқталды. Қылмысқа қатысы бар күдікті ұсталып, уақытша ұстау изоляторына қамалды, деп хабарлайды ZontNews.kz.
Оқиға туралы алғаш болып жергілікті тұрғындар әлеуметтік желіде жазған. Олардың айтуынша, қаза тапқан адам тандыр нан сататын орынның иесі болуы мүмкін.
Ауыл тұрғындары марқұмды көпшілікке көмектесіп жүрген қайырымды адам ретінде сипаттады. Айтуларынша, сатып алушының ақшасы жетпесе, ол нанды тегін берген. Сондай-ақ жұма күндері мұқтаж жандарға тегін нан таратқан.
Алматы облысының полиция департаменті адам өлтіру дерегі бойынша қылмыстық іс қозғалғанын мәлімдеді. Жедел іздестіру шаралары барысында 56 жастағы күдіктінің жеке басы анықталып, ол ұсталды.
Полицияның алдын ала мәліметінше, екі ер адам арасында сөзге келіспеушілік туындаған. Жанжал кезінде күдікті жәбірленушіге екі рет пышақ сұғып, оқиға орнынан қашып кеткен. Тәртіп сақшылары оның кінәсін мойындағанын хабарлады.
Қазіргі уақытта тергеу жалғасып жатыр. Мамандар жанжалдың шығу себебі мен оқиғаның өзге де мән-жайларын анықтауда.
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз