Қазақстанда жоғары билік жүйесін жаңартуға бағытталған заң жобасы қаралды
Қазақстан Республикасының Парламенті Мәжілісінде бірінші оқылымда «Қазақстан Республикасының Президенті туралы» Конституциялық заң жобасы талқыланды. Бұл туралы Парламент палаталарының бірлескен отырысында айтылды, деп хабарлайды ZontNews.kz.
Заң жобасы бойынша баяндама жасаған Әділет министрі Ерлан Сәрсембаев құжат 2026 жылғы 15 наурызда республикалық референдумда қабылданған Конституцияны іске асыру мақсатында әзірленгенін атап өтті.
Министрдің айтуынша, заң жобасы «Күшті президент – ықпалды парламент – есеп беретін үкімет» қағидатына негізделген жаңа мемлекеттік басқару моделін қалыптастыруға бағытталған.
Құжатта Президенттің мәртебесі, өкілеттіктері мен қызмет тетіктері жүйеленіп нақтыланады. Сонымен бірге бұрын енгізілген бірқатар демократиялық шектеулер сақталады. Атап айтқанда, Президенттің бір рет қана жеті жыл мерзімге сайлануы, мемлекет басшысының партия мүшесі болмауы және жақын туыстарына қатысты шектеулер өзгеріссіз қалады.
Заң жобасында сондай-ақ Президенттің Құрылтаймен, Үкіметпен, Қазақстан Халық Кеңесімен және Адам құқықтары жөніндегі уәкілмен өзара іс-қимылының жаңа тетіктері қарастырылған.
Ең басты жаңалықтардың бірі ретінде Қазақстанда вице-президент институтын енгізу ұсынылып отыр. Жобаға сәйкес, вице-президент Құрылтайдың келісімімен тағайындалады және оның өкілеттіктері мен жауапкершілігі нақты белгіленеді.
Сонымен қатар Президент актілеріне қатысты нормалар да енгізіледі. Кей жағдайларда заң күші бар жарлықтар шығару мүмкіндігі қарастырылған.
Министрдің пікірінше, бұл Конституциялық заң президенттік институтты жетілдіруге, мемлекеттік басқару жүйесінің тұрақтылығын күшейтуге және саяси жаңғырту үдерісін дамытуға мүмкіндік береді.
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз