Қазақстанда АӘК алушылар саны 218 мыңнан асты
2026 жылдың басынан бері Қазақстанда 218,4 мың адам атаулы әлеуметтік көмек (АӘК) алды. Оларға жалпы 23,1 млрд теңге төленді, деп хабарлайды ZontNews.kz.
Атаулы әлеуметтік көмек табысы белгіленген кедейлік шегінен төмен отбасыларға көрсетіледі. Оның мақсаты – азаматтарға қаржылай қолдау көрсету және еңбекке қабілетті отбасы мүшелерінің табысын арттыруға жағдай жасау. Биыл АӘК көрсетуге мемлекеттік бюджеттен 62,7 млрд теңге қарастырылған.
Еңбек және халықты әлеуметтік қорғау министрлігінің мәліметінше, АӘК алатын отбасыларға ақшалай төлеммен қатар, жұмыспен қамту шаралары да ұсынылады. Азаматтың жағдайына қарай жұмысқа орналасуға жәрдемдесу, кәсіптік оқыту, біліктілікті арттыру немесе жеке ісін ашуға грант алу мүмкіндігі қарастырылған.
АӘК алатын отбасылардағы 1 жастан 6 жасқа дейінгі әр балаға ай сайын 1,5 АЕК мөлшерінде қосымша төлем беріледі. 2026 жылғы 1 қыркүйектегі жағдай бойынша бұл төлем 67,8 мың мектепке дейінгі балаға тағайындалып, оған 2,5 млрд теңге бағытталды.
2026 жылдың сегіз айында жұмыспен қамту шаралары арқылы АӘК алушылар қатарындағы 6 565 еңбекке қабілетті азамат жұмысқа орналастырылды.
Осылайша, атаулы әлеуметтік көмек тек қаржылай қолдаумен шектелмей, азаматтардың тұрақты табысқа шығуына мүмкіндік беруге бағытталған.
АӘК алу үшін тұрғылықты жері бойынша мансап орталығына, ауылдық округ әкіміне немесе eGov.kz порталы арқылы өтініш беруге болады.
Қоғам тынысы
Тағы
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз