Астанадағы мейрамханада мигранттар жалақысыз жұмыс істегенін мәлімдеді
Өзбекстан азаматтары Астанадағы «Карима» мейрамханалар желісінде жұмыс істеп жүріп, құжаттарының тартып алынғанын және жалақының төленбегенін айтып шағымданды. Бұл туралы ZontNews.kz Ulysmedia.kz редакциясына сілтеме жасап хабарлайды.
Мигранттардың айтуынша, олар күніне 12–13 сағаттан еңбек еткен, алайда еңбекақы кейде бірнеше ай бойы берілмеген. Сонымен қатар, жұмыс берушілер олардың төлқұжаттарын алып қойып, елден кетуге мүмкіндік бермеген. Жұмысшылардың бірі мұндай жағдайды «құлдыққа» теңеген. Ал мейрамхана әкімшілігі бұл айыптауларды жоққа шығарып отыр.
Астана қаласының полиция департаменті 15 наурызда аталған мекемеде тексеру жүргізілгенін мәлімдеді. Тексеру барысында көші-қон заңнамасын бұзу деректері анықталған. Атап айтқанда, шетел азаматтарының тиісті рұқсат құжаттарынсыз жұмыс істегені белгілі болған.
Осыған байланысты мекеме иесі әкімшілік жауапкершілікке тартылған. Полиция өкілдері жұмыс берушілерге көші-қон заңнамасын және шетел азаматтарын еңбекке заңды түрде тарту талаптарын қатаң сақтау қажеттігін ескертті.
Айта кетейік, бұл желіге қатысты мұндай шағымдар бұрын да тіркелген. 2023 жылы да мигранттар еңбек жағдайына наразылық білдіріп, құжаттарының алынғанын және жалақының төленбегенін мәлімдеген. Сол кезде құқық қорғау органдарының араласуынан кейін кейбір жұмысшылар құжаттары мен қаражатын қайтарып алып, елден кеткен.
Қоғам тынысы
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз