Трамп Иранды оқшаулау шараларын күшейтуді тапсырды
АҚШ президенті Дональд Трамп өз көмекшілеріне Иранды ұзақ мерзімді оқшаулау шараларын қарастыруды тапсырған. Бұл туралы ZontNews.kz. хабарлайды.
The Wall Street Journal дерегінше, соңғы кездесулерде Трамп Иран экономикасы мен мұнай экспортына қысымды күшейту үшін ел порттарына шектеу қою мүмкіндігін қарастырған. Оның пікірінше, мұндай блокада әскери соққы немесе қақтығыстан толық шығу сияқты сценарийлерге қарағанда тәуекелі төменірек.
Алайда сарапшылар мұндай саясаттың ұзаққа созылуы қақтығысты ушықтырып, жанармай бағасының өсуіне және ішкі саяси қолдаудың әлсіреуіне әкелуі мүмкін екенін айтады. Бұл әсіресе республикашылдардың аралық сайлаудағы нәтижелеріне әсер етуі ықтимал.
Бұған дейін Иран Ормуз бұғазындағы шабуылдарды тоқтатып, соғысты аяқтау және ядролық келіссөздерді кейінге қалдыру жөнінде ұсыныс білдірген. Бірақ Трамп бұл бастамаға сақтықпен қарап отыр, себебі онда Иранның ядролық бағдарламасы қарастырылмаған.
CNN мәліметінше, АҚШ-тағы кей шенеуніктер Трамп бұл жоспарды қолдауы екіталай деп есептейді. Олардың айтуынша, Ормуз бұғазына қатысты шектеулер ядролық келіссөздерсіз алынса, Вашингтонның негізгі ықпал тетігі әлсіреуі мүмкін, ал энергия нарығындағы тұрақсыздық жалғасады.
Әлем жаңалықтары
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз