Трамп Еуропаны сынға алды
АҚШ-тың Ақ үй басшысы Дональд Трамп Еуропа елдерінің көшбасшыларына көңілі толмайтынын бірнеше рет мәлімдеді, деп хабарлайды ZontNews.kz.
Алдымен ол Франция президенті Эммануэль Макрон елі АҚШ-қа Ормуз бұғазын ашу операциясында қолдау көрсетпейтінін айтып, реніш білдірді. Трамп тіпті Макронның жақын арада қызметінен кететінін болжап, қатаң пікір айтты.
Сонымен қатар Ұлыбритания премьер-министрі Кир Стармер де сынның астында қалды. Трамптың пікірінше, ол Ирандағы соғысқа жеткілікті қолдау көрсетпеген.
Бұл жағдай Трамптың әлеуметтік желідегі ашулы жазбасымен аяқталды. Онда ол НАТО елдерінің Иранға қарсы әскери әрекеттерге қатысудан бас тартқанын сынға алды.
«Олардың әрекетіне таңғалмаймын, себебі мен әрқашан НАТО-ны біржақты ұйым деп есептедім. Біз жыл сайын осы елдерді қорғау үшін жүздеген миллиард доллар жұмсаймыз. Біз оларды қорғаймыз, ал олар біз үшін ештеңе істемейді, әсіресе қиын сәтте», – деп жазды Трамп.
Еске салайық, өткен аптада Трамп Иранға қарсы әскери операцияда АҚШ «кестеден озып жеңіп жатырмыз» деп мәлімдеген еді. Алайда соңғы оқиғалар мен нақты нәтижелер бұл мәлімдемелер мен майдандағы жағдай арасында айтарлықтай қайшылық бар екенін көрсетеді. Сарапшылардың пікірінше, қазіргі ахуал Трамп әкімшілігінің бірқатар стратегиялық қателіктерін ашып берді.
Әлем жаңалықтары
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз