Әлемдегі ең ірі айсберг тарихқа айналды
Бұған дейін әлемдегі ең ірі айсберг саналған A23a айсбергі толықтай ыдырап, өмір сүру кезеңін аяқтады. Бұл туралы Арктика және Антарктика ғылыми-зерттеу институтының мәліметіне сілтеме жасап ZontNews.kz. хабарлайды.
Ғалымдардың айтуынша, шамамен 40 жыл бойы бақылауда болған алып мұз кесегі біртіндеп ұсақ бөліктерге бөлініп, бастапқы көлемінің 99 пайызын жоғалтқан. Қазір оның қалдықтары ашық мұхитта еріп жатыр.
Айсберг 1986 жылы Фильхнер шельфтік мұздығы аумағынан бөлініп шыққан. Сол кездегі жалпы ауданы шамамен 4170 шаршы шақырым болған. Ұзақ уақыт бойы ол Уэдделл теңізі орталығында тұрып, кейін Антарктида жағалауы бойымен қозғала бастаған. 2023 жылдың қарашасында алғаш рет ашық суға шықты.
2025 жылдың басында айсберг Оңтүстік Георгия аралы маңына жетіп, жағалаудан шамамен 80 шақырым жерде қайтадан қайраңға тірелген. Бірнеше айдан кейін қозғалысын жалғастырып, тамыз айының соңында одан ірі бөліктер бөлініп кетті. Осыдан кейін ол «әлемдегі ең ірі айсберг» мәртебесінен айырылды.
Сарапшылардың дерегінше, 2025 жылдың қаңтарында айсбергтің ауданы 1300 шаршы шақырым болса, қазір 50 шаршы шақырымнан да аз қалған. Соңғы айларда ол шамамен 1000 шақырым жүріп, Оңтүстік мұхит пен Атлант мұхитының шекарасына дейін жеткен.
Қазіргі уақытта мұз кесегінің қалдықтары ашық суда баяу еріп, толық жойылу кезеңіне өтті.
Әлем жаңалықтары
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз