Иранда жаңа жоғарғы көшбасшы сайланды — Моджтаба Хаменеи
Иранда биліктің жоғарғы сатысында өзгеріс болды. Елдің Сарапшылар кеңесі Моджтаба Хаменеиді Ислам Республикасының жоғарғы көшбасшысы қызметіне бекітті. Бұл туралы ZontNews.kz басылымы Iran International-ға сілтеме жасап хабарлайды.
Басылым мәліметінше, шешім Ислам революциясы сақшылары корпусының ықпалымен қабылданған. Ресми органдар әзірге толыққанды түсініктеме берген жоқ.
Моджтаба Хаменеи – Иранды ұзақ жылдар басқарған Әли Хаменеидің екінші ұлы. Ол діни білім алған, алайда мемлекеттік құрылымдарда ресми лауазым иеленбеген. Соған қарамастан, халықаралық ақпарат құралдары оның ел ішіндегі саяси процестерге әсері болғанын жазады. Атап айтқанда, 2009 жылғы президент сайлауынан кейінгі наразылықтарды күшпен басуға қатысы болуы мүмкін деген деректер айтылған.
Еске салайық, Әли Хаменеи 28 ақпанда АҚШ пен Израильдің соққысынан кейін қаза тапқаны хабарланған болатын. Иран билігіндегі бұл өзгеріс аймақтағы саяси ахуалға әсер етуі ықтимал.
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз