Африкада Эбола вирусының таралу қаупі күшейді
Африка одағының денсаулық сақтау органдары Эбола вирусының таралу қаупі өңірдегі кемінде он елге төніп тұрғанын мәлімдеді, деп хабарлайды ZontNews.kz.
Конго үкіметінің дерегінше, елдің шығыс бөлігінде Эбола жұқтырды деген күдікпен 867 жағдай тіркелген. Қазіргі уақытта індеттен 204 адам көз жұмған.
Мамандардың айтуынша, инфекцияның таралу қаупі Оңтүстік Судан, Руанда, Кения, Танзания, Эфиопия, Бурунди, Ангола, Орталық Африка Республикасы және Замбия елдерінде сақталып отыр.
Қазіргі індет сирек кездесетін Бундибугио штамымен байланысты екені айтылды. Бұл вирус түрі алғаш рет 2007 жылы анықталған. Әзірге аталған штамға қарсы ресми мақұлданған вакцина немесе арнайы емдеу тәсілі жоқ.
Дәрігерлердің мәліметінше, Бундибугио штамын жұқтырғандар арасындағы өлім-жітім деңгейі 30–50 пайызға дейін жетуі мүмкін.
Сарапшылар Эбола вирусының таралу жолы коронавирусқа қарағанда өзгеше екенін атап өтті. Инфекция ауа арқылы оңай таралмайды. Вирус негізінен науқастың қаны немесе өзге де биологиялық сұйықтықтарымен тікелей байланыс кезінде жұғады.
Бұған дейін Дүниежүзілік денсаулық сақтау ұйымы Эбола вирусының әлем бойынша таралу қаупіне қатысты бағалау жүргізген болатын.
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз