Қазақстанда әлеуметтік азық-түлік бағасы бір жылда 7% өсті, ет ерекше қымбаттады
Қазақстанда әлеуметтік маңызы бар азық-түлік тауарларының бағасы соңғы бір жылда орта есеппен 7,1% өсті, деп хабарлайды ZontNews.kz EnergyProm деректеріне сілтеме жасап. Ал ет өнімдерінің бағасы айтарлықтай шарықтап, бірден 30%-ға дейін көтерілген.
Қазіргі таңда әлеуметтік маңызды азық-түлік тауарларының (ӘМАТ) жаңартылған тізіміне 31 тауар кіреді. Баға өсімі бойынша Жезқазған (10,6%) мен Ақтау (9,8%) алдыңғы қатарда, ал Алматыда өсім 7%, Астанада республика бойынша ең төмен деңгейде – 5,2% болды.
Бағаның ең күрт өсуі ет өнімдерінде тіркелді:
Сиыр еті (сүйексіз) – +30,7%
Қой еті – +29,2%
Сиыр еті (сүйегімен) – +28,7%
Тартылған ет (фарш) – +26,6%
Жылқы еті – +17,7%
Сонымен қатар, сәбіз 17,2%, күнбағыс майы 15,8%, тұз 13,9% қымбаттаған. Ал 31 тауардың тек бесеуі арзандады: қияр 16,5%, қызанақ 9,7%, картоп 7%, күріш 4,9%, пияз 1,6%.
Ет бағасы қымбаттағанына қарамастан, Қазақстанда оның тұтынуы азайған жоқ: 2025 жылдың үшінші тоқсанында ет өнімдерін тұтыну 3,6% артты, бір адамға шаққанда бір тоқсанда орта есеппен 21,3 келі болды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз