Сот белсенді Тәшімованы қолдады: Елеусізовтің талабы қанағаттандырылмады
Алматы қаласы мәслихатының депутаты Тимур Елеусізовтің белсенді Салтанат Тәшімоваға қарсы берген арызы сотта қанағаттандырылмады. Бұл туралы ZontNews.kz Exclusive.kz-ке сілтеме жасап хабарлайды.
Депутат соттан Тәшімованың Facebook желісінде жариялаған жазбасын ар-намысқа, қадір-қасиетке және іскерлік беделге нұқсан келтіреді деп тануды, жазбаны өшіруді, кешірім сұратуды және моральдық шығын өндіруді талап еткен. Алайда бірінші сатыдағы сот бұл талаптарды толықтай кері қайтарды.
Сот шешімінен кейін Салтанат Тәшімова істің нәтижесін өз жеңісі деп бағалады. Оның айтуынша, сот талапкер тарап өз айыптауларын дәлелдей алмаған деген қорытындыға келген.
Белсендінің сөзінше, енді ол ар-намысы мен қадір-қасиетін қорғау және сот шығындарын өндіру мақсатында қарсы талап қоюды жоспарлап отыр.
Еске салайық, дауға 2025 жылғы 10 қазандағы әлеуметтік желідегі жарияланым себеп болған. Онда Тәшімова депутаттың өзіне жала жапқанын және Баум тоғайындағы тұрғындармен кездесу барысында орынсыз әрекет жасағанын мәлімдеген.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз