Семейде студент құрылыс алаңында ауыр жарақат алып, қолынан айырылды
Семейде 20 жастағы студент құрылыс алаңында жұмыс істеп жүріп ауыр жарақат алып, қолынан айырылды. Оқиға бетон араластырғышты тазалау кезінде болған, деп хабарлайды ZontNews.kz. КТК телеарнасына сілтеме жасап.
Зардап шеккен - болашақ заңгер Асылжан Қалелов. Ол қосымша табыс табу мақсатында таныстары арқылы құрылыс алаңына жұмысқа орналасқан. Қайғылы жағдай оның жұмысқа шыққан үшінші күні болған.
Студенттің айтуынша, бетон араластырғыштың ішінде тұрып қалған тасты тазаламақ болған сәтте, өшірулі тұрған құрылғы кенеттен іске қосылып кеткен. Ол қолын шығарып үлгергенімен, кейін не болғанын есіне түсіре алмайды.
Дәрігерлердің мәліметінше, жігіттің оң қолы қатты жаншылып, шұғыл ота жасауға тура келген. Қазіргі жағдайы орташа ауыр, тұрақты деп бағалануда.
Туыстарының айтуынша, Асылжан ресми түрде жұмысқа қабылданбаған, сондай-ақ қауіпсіздік техникасы сақталмаған. Олар құрылыс алаңы басшылығымен байланыса алмаған.
Қазір оқиға бойынша еңбек инспекциясы тексеру жүргізіп жатыр. Арнайы комиссия құрылып, мән-жайы анықталуда. Тергеу нәтижелері кейін полицияға жолданады.
Дәрігерлердің болжамынша, студентке алдағы уақытта ұзақ оңалту шаралары мен протез қажет болады.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз