Сарыағаштағы қайғылы жағдай: ата-аналар дәрігерлерді тексеруді талап етеді
Сарыағаш ауданында соңғы жеті ай ішінде бес жасқа дейінгі алты баланың көз жұмуы қоғамда алаңдаушылық туғызды. Жергілікті тұрғындар аудандық орталық ауруханада балалар өлімі жиілеп кеткенін айтып, жауапты органдардан тексеріс жүргізуді талап етуде, деп хабарлайды ZontNews.kz. Orda.kz сілтеме жасап.
Ата-аналардың айтуынша, кей жағдайларда балалар екпе алғаннан кейін немесе қарапайым тексерістен соң жағдайы күрт нашарлап, жансақтау бөліміне түсіп, кейін қайтыс болған. Солардың бірі – сегіз айлық Бейбарыс. Анасы Майра Жұмашеваның сөзінше, сәби ауылдық ауруханада пневмонияға қарсы екпе алғаннан кейін жарты сағат ішінде жағдайы ауырлаған. Аудандық ауруханаға жеткізілгенімен, дәрігерлер уақыт жоғалтып алғанын айтады.
Осындай жағдайға тап болған тағы бір ата-ана – Нұрбақыт Тұрақбай. Оның айтуынша, қызуы көтерілген 2,5 жастағы баласына екпе салынғаннан кейін жағдайы асқынып, бірнеше күннен соң жансақтау бөлімінде қайтыс болған. Ол медицина қызметкерлерінің жауапкершілігіне күмән келтіріп, жүйелі өзгерістер қажет екенін алға тартады.
Тағы бір тұрғын Айнагүл Әуезова да дәрігерлердің қателігі салдарынан екі жастағы немересінен айырылғанын жеткізді. Оның сөзінше, балаға дұрыс ем қолданылмаған, тіпті қан құю кезінде сәйкессіздік орын алған болуы мүмкін.
Аурухана әкімшілігі балалар өлімінің болғанын растады. Бас дәрігердің орынбасарының мәліметінше, аталған фактілер бойынша тексерулер жүргізіліп, қызметкерлерге тәртіптік шаралар қолданылған. Алайда жұмыстан босатылғандар жоқ.
Жергілікті тұрғындар медициналық мекемеде қажетті құрал-жабдықтардың жетіспейтінін де көтеріп отыр. Олар Қазақстан Республикасы Денсаулық сақтау министрлігінен жағдайға араласып, дәрігерлердің әрекетіне әділ баға беруді сұрайды.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз